SJÚKRASJÓÐUR

Sjúkradagpeningar

05
maí

Sjúkradagpeningar

Eitt af megin hlutverkum Sjúkrasjóðs verkstjóra og stjórnenda er að greiða bætur til félagsmanna í veikinda og slysatilfellum. Starfandi verkstjóri sem slasast eða veikist í starfi á rétt á sjúkradapeningagreiðslum sem nema allt að 80% af meðallaunum síðustu 12 mánaða og er réttur félagsmanna til sjúkradagpeningagreiðslna allt að 1 ár. Bótagreisðlur reiknast samkvæmt ákvæðum greina reglugerðar eftir því sem við á að loknum lög- og samningsbundnum greiðslum vinnuveitanda. Áunnin réttindi í öðrum sjúkrasjóði skerðast ekki við inngöngu í verkstjóra- eða stjórnendafélag.

Við örorku á bótaþegi rétt á allt að 5 mánaða sjúkradagpeningagreiðslum eftir dagsetningu örorkumats vegna vinnuslyss. Sé bótaþegi 67 ára til 70 ára dragast greiðslur Tryggingastofnunar frá dagpeningagreiðslum en dagpeningar greiðast aldrei lengur en 6 mánuði eftir að lög- og samningsbundnar greiðslur falla niður við starfslok. Sjúkradagpeningagreiðslur falla niður við 70 ára aldur. Sálfstætt starfandi sjóðsfélagar öðlast ekki rétt til sjúkradagpeninga fyrr en þeir hafa lokið þeim veikindarétti sem þeir hefðu aflað sér sem launamenn í sama starfi.

Til þess að eiga rétt á greiðslum sjúkradapeninga verður sjúkradagpeningavottorð að fylgja umsókn!

Bætur vegna slyss (utan vinnu) eða veikinda

1. Félagsmaður á fyrsta ári á rétt á sjúkradagpeningagreiðslum í 7 mánuði og yfirvinnulaunum í 3 mánuði.
2. Félagsmaður sem greitt hefur í sjúkrasjóð í 3 ár á rétt á sjúkradagpeningagreiðslum í 9 mánuði og yfirvinnulaunum í 3 mánuði.
3. Félagsmaður sem greitt hefur í sjúkrasjóð í 5 ár eða lengur á rétt á sjúkradagpeningagreiðslum í 12 mánuði og yfirvinnulaunum í 3 mánuði.

Bætur vegna vinnuslyss eða atvinnusjúkdóms

1. Félagsmaður á fyrsta ári á rétt á sjúkradagpeningagreiðslum í 7 mánuði og yfirvinnulaunum í 3 mánuði.
2. Félagsmaður sem greitt hefur í sjúkrasjóð í 3 ár á rétt á sjúkradagpeningagreiðslum í 9 mánuði og yfirvinnulaunum í 5 mánuði.
3. Félagsmaður sem greitt hefur í sjúkrasjóð í 5 ár eða lengur á rétt á sjúkradagpeningagreiðslum í 12 mánuði og yfirvinnulaunum í 6 mánuði.

Veikindi maka eða barna

Starfandi verkstjóri eða stjórnandi á rétt á sjúkradagpeningum í allt að 90 daga á hverju 12 mánaða tímabili vegna veikinda maka eða barns undir 18 ára aldri eftir að greiðslu samkvæmt samningi við vinnuveitanda lýkur.

Dæmi um sjúkra- og slysadagpeninga sjúkrasjóðs VSSÍ

Laun Sjúkradagpeningar
100.000 kr 80.000 kr.
200.000 kr 160.000 kr.
300.000 kr 240.000 kr.
400.000 kr 320.000  kr.
500.000 kr 400.000 kr.
600.000 kr 480.000 kr.
700.000 kr 560.000 kr.
800.000 kr 640.000 kr.
900.000 kr 720.000 kr.
1.000.000 kr 800.000 kr.